Израиль билігі Ливан Хезболласының жетекшісі Хасан Насралланың қайда екенін оның Бейрут шетіндегі штаб-пәтеріне әуе шабуылынан бірнеше ай бұрын білген. Бұл туралы Нью-Йорк Таймс израильдік ақпарат көздеріне сілтеме жасап жазды.
«Израиль басшылары Хасан Насрулланың қайда екенін бірнеше ай бойы білген және өткен аптада оған шабуыл жасауды ұйғарды», — деп жазады газет.
Израиль билігі мұндай шешімге «Хезболла» жетекшісі жақын арада қауіпсіздік мақсатында резиденциясын ауыстыруы мүмкін деп есептегендіктен қабылдағаны белгілі.
Хезболла Хасан Насралланың өлімін растады
Сондай-ақ БАҚ Израиль премьер-министрі Биньямин Нетаньяхудың Біріккен Ұлттар Ұйымының Бас Ассамблеясына қатысу үшін Нью-Йоркке сапары «Хезболла» жетекшісі Хасан Насралланың өзін қауіпсіз екеніне сендіру үшін ішінара «алаңдату» болды деп жазды.
Сенбі, қыркүйектің 28-і күні Израиль әскери-әуе күштерінің жойғыш ұшағы ұйымның жер астындағы штаб-пәтеріне жасаған әуе соққысы нәтижесінде Хезболла жетекшісі Хасан Насралланың қаза тапқаны белгілі болды.