Түркияның мақсаты Башар Асадты құлату емес, Анкара Сирияны терроризмсіз тұрақты ел ретінде көргісі келеді. Бұл туралы Түркияның Сыртқы істер министрі Хакан Фидан NTV телеарнасына берген сұхбатында айтты.
«Түркия тәуекелдерді көрді. Біздің мақсатымыз Башар Асадты құлату емес, біздің мақсатымыз тұрақты Сирия, бақытты Сирия халқы, лаңкестіктен таза Сирия көру», — деп түсіндірді ол.
Оның айтуынша, түрік тарапы «жағдайдың шынымен нашар екенін» түсінді, сондықтан Түркия президенті Режеп Тайып Ердоған «көмек қолын созды».
Бұған дейін Хакан Фидан мырза Түркия делегациясының елшілік жұмысын бастау үшін 13 желтоқсанда Дамаскіге келгенін айтқан болатын. Оның айтуынша, Түркияның Сириядағы елшілігі сенбі, 14 желтоқсанда жұмысын бастауы мүмкін.
Алдыңғы күні АҚШ Мемлекеттік хатшысы Энтони Блинкен Вашингтон мен Анкара Сирияның болашағына қатысты «кең» келісімге келгенін айтты. Оның айтуынша, Түркия мен АҚШ «Сирия халқын Башар Асадтың бұғауынан босатуға» бағытталған.