АҚШ-тың жаңадан сайланған президенті Дональд Трамп пен америкалық кәсіпкер Илон Маск Microsoft корпорациясының бас директоры Сатья Наделламен кездесті. Бұл туралы ақпарат көздеріне сілтеме жасап Semafor хабарлады.
Бұл кездесу туралы толық мәлімет айтылмады. Басылымның мәліметінше, АҚШ үкіметі Microsoft корпорациясының, оның ішінде бұлттық инфрақұрылымының негізгі тұтынушысы болып табылады. Автор Ақ үйдегі басқару стилінің өзгеруімен компания көп нәрсені «ұтуы немесе жоғалтуы» мүмкін екенін жазады.
FT: ЕО Трамптың нақты жоспары Илон Маск сияқты қорқынышты емес дейді
Бұған дейін Трамп Маск оны мемлекет басшысы ретінде алмастыра алмайтынын айтқан. Аризонадағы конференцияда сөйлеген сөзінде Трамп президенттік өкілеттігін Маскке тапсырады деген қауесеттердің пайда болуына назар аударды. Саясаткер мұның өтірік екенін түсіндірді. Маск Америкада тумағандықтан президент болмайды. Сондықтан Трамп өзін қауіпсіз сезінетінін айтты.