АҚШ президенті Дональд Трамп НАТО-ға мүше елдерден қорғаныс шығындарын ЖІӨ-нің 5%-ға дейін арттыруды сұрайтынын айтты.
Бұл туралы АҚШ басшысы Давостағы Дүниежүзілік экономикалық форумда сөйлеген сөзінде мәлімдеді, оның трансляциясы Fox News телеарнасында қолжетімді.
«Мен НАТО-ның барлық елдерінен қорғаныс шығындарын ЖІӨ-нің 5%-ға дейін арттыруды сұраймын. Бұл әлдеқашан жасалуы керек еді», — деді Трамп мырза.
Трамп бұған дейін НАТО-ның қорғаныс шығындарын ұлғайту ниеті туралы айтқан болатын. АҚШ президентінің пікірінше, НАТО елдердің ЖІӨ-нің 2 пайызын құрайтын шығындармен өз міндеттерін тиімді орындай алмайды.