НЬЮ-ЙОРК, 9 желтоқсан. АҚШ-тың жаңадан сайланған президенті Дональд Трамп 2019-2021 жылдар аралығында Мексикадағы АҚШ елшісі қызметін атқарған Кристофер Ландауды Мемлекеттік хатшының бірінші орынбасары қызметіне ұсынатынын айтты.
«Мемлекеттік хатшының орынбасары лауазымына Кристофер Ландауды ұсынғаныма қуаныштымын», — деп жазды Трамп мырза өзінің Truth Social парақшасында.
Трамп 61 жастағы Ландау АҚШ-тың Мексикадағы елшісі ретінде «заңсыз иммиграцияны тарихи ең төменгі деңгейге дейін азайту үшін тынымсыз жұмыс істегенін» атап өтті.
Ресми түрде ұсынылғаннан кейін Ландаудың кандидатурасын Америка Құрама Штаттары Конгресінің Сенаты мақұлдауы керек.