Ресей президенті Владимир Путин мен Қытай төрағасы Си Цзиньпин бейнеконференция арқылы сөйлесті. Бұл туралы Қытайдың орталық телеарнасы хабарлады.
«21 қаңтар күні таңертең Қытай төрағасы Си Цзиньпин Бейжіңдегі Халық мәжіліс залында Ресей президенті Владимир Путинмен онлайн кездесу өткізді», — деп хабарлайды басылым.
Ресей тарапы бұл ақпаратты әлі растаған жоқ. Саясаткерлердің не айтып жатқаны белгісіз.
Бұған дейін Си Цзиньпин мырзаның АҚШ президенті Дональд Трамппен телефон арқылы сөйлескені туралы да ақпарат болған.