Алдағы 100 жылда Ресей мен Америка арасында достық болмайды, ал тікелей әскери қақтығыс ядролық соғысқа әкеледі. Мәскеу мен Вашингтон арасындағы қарым-қатынасқа осындай баға берді Ресей Қауіпсіздік кеңесі төрағасының орынбасары Дмитрий Медведев өзінің Telegram-каналында. «Біз алдағы 100 жыл бойы достық қарым-қатынаста боламыз деп ойламаймыз», — деді ол. Медведев Ресей мен АҚШ арасындағы тікелей қарулы қақтығыс Мәскеу үшін тым қымбатқа түсетінін айтты. Сонымен қатар, оқиғалардың мұндай барысы «дүниежүзілік ядролық соғысқа» әкелетіні анық», — деді ол. Бұған дейін Ресей Сыртқы істер министрі Сергей Лавров Ресеймен байланысты қалпына келтіру үшін бірінші қадамды АҚШ жасау керек деп мәлімдеген. Министрдің айтуынша, Ресей шенеуніктері АҚШ-тың жаңадан сайланған президенті Дональд Трамптың әкімшілігімен Украина жанжалын реттеу мәселесі бойынша кеңесуге дайын. Лавров мырза Трамп әкімшілігі, соның ішінде АҚШ-тың Украина бойынша болашақ арнайы өкілі Кит Келлог қақтығыстың түпкі себептерін зерттейді деп үміттенетінін айтты.
