ДУБАЙ, 17 қараша. АҚШ барлау қызметі содырларды Иранның оңтүстік-шығысында лаңкестік әрекеттер жасауға үйретеді. Бұл туралы Ислам революциясы Сақшылар корпусы қолбасшысының заң істері жөніндегі орынбасары (Иран қарулы күштерінің элиталық бөлімі) генерал Әли Шамхани мәлімдеді.
«Иранның оңтүстік-шығысындағы лаңкестік топтар американдық қаруды қолданып лаңкестік әрекеттер жасауда. Олар АҚШ барлауынан дайындалғанын мойындады», — деп келтіреді IRGC баспасөз агенттігі генералдың сөзін.
Иранның оңтүстік-шығысында Систан және Белуджистан провинциясында «Джейш әл-Золм» лаңкестік тобы әрекет етуде. Оның далалық лагерьлері Ауғанстан және Пәкістанмен шекаралас жерде орналасқан. Содырлар әскери қызметкерлер мен бейбіт тұрғындарға қарсы лаңкестік әрекеттер жасайды. 26 қазанда осындай шабуылдан 10 ирандық полиция қызметкері қаза тапты.