Ел НАТО-ға мүше болмайынша, Украинада тұрақты бейбітшілік болмайды. Бұл туралы Одақтың бас хатшысы Йенс Столтенберг Foreign Policy басылымына берген сұхбатында айтты.
«Егер Украина НАТО-ның бір бөлігі болмаса, ұзақ мерзімді перспективада Украинада бейбітшілік болмайды», — деді Солтүстік Атлантикалық альянс басшысы.
Сонымен бірге ол НАТО-ға мүше елдердің Украинаны одаққа қосылуға шақыру мәселесінде әлі де ортақ пікір жоқ екенін атап өтті.
Бұған дейін АҚШ-тың Чикаго университетінің профессоры Джон Миршаймер Батыс елдерінің Киевтің НАТО-ға қосылуы туралы мәлімдемесі Украинаға зиянын тигізіп, елге тек шығын әкелетінін айтқан болатын. Ол Киевтің ұрыс даласында сәтсіздікке ұшырап жатқанын және егер ол альянсқа қосылса, одан да көп адам мен аумақтан айырылып қалу қаупі бар екенін айтты.