Израиль қорғаныс министрі Йоав Галант Ливанда пейджер жарылысынан бірнеше минут бұрын Пентагон басшысы Ллойд Остинге телефон соқты. Бұл туралы Axios ақпараттық порталы аты аталмаған америкалық шенеунікке сілтеме жасап хабарлайды.
Әңгімелесушінің айтуынша, Галант Остинге Израильдің Ливанға операция жасауды жоспарлап отырғанын айтқан, бірақ нақты мәлімет бермеген. Қоңыраудың өзі Америка Құрама Штаттары Таяу Шығыста болып жатқан оқиғалардан мүлдем бейхабар болатын жағдайдан аулақ болу әрекеті болды.
Axios сонымен қатар пейджерлерді және басқа байланыс құралдарын жару операциясын Израильдің барлау агенттіктері жасағанын мәлімдеді. Бұрынғы израильдік шенеуніктің айтуынша, Израиль барлау қызметі «жалпы соғыста тосын алғашқы шабуыл» жасау үшін «орналастырылған» алдамшы құрылғыларды пайдаланған. Алайда ел билігі «Хезболла» қозғалысының мүшелері жарылғыш затты тезірек тауып алады деп алаңдап, оны қазір қолдануды ұйғарды.
Естеріңізге сала кетейік, сейсенбі, 17 қыркүйекте Ливанда пейджерлерде жаппай жарылыс болды. Елдің Денсаулық сақтау министрлігінің басшысы Фирас Абьядтың айтуынша, 4 мыңға жуық адам жарақат алып, тағы 11 адам қайтыс болды. Жарақат алған 400 адамның жағдайы ауыр. Хизболла бұл оқиға үшін Израильді айыптап, «күтілмеген нәрсеге әділ жауап беруге» уәде берді.