Аргентина Сыртқы істер министрлігі Халықаралық қылмыстық соттың (ХҚК) прокурорынан Венесуэла президенті Николас Мадуро мен Венесуэла режимінің басқа да жоғары лауазымды басшыларын қамауға алуға ордер беруді ресми түрде сұрады. Министрліктің веб-сайтындағы мәлімдемеге сәйкес, бұған Аргентина адамзатқа қарсы қылмыс деп санаған 28 шілдедегі сайлаудан кейінгі соңғы оқиғалар себеп болған.
Мадуро сайлаудағы жеңісінен кейін Венесуэлада, әсіресе ел астанасы Каракаста полициямен қақтығыстармен қатар жүретін жаппай наразылықтар басталды. Венесуэла Бас прокуратурасы 2 мыңнан астам наразылық білдірушінің қамауға алынғанын растады, бұл Аргентинаның халықаралық билікке шағымдануының тағы бір себебі болды.
Айта кетейік, бұл Аргентинаның Венесуэла режимінің әрекетіне қатысты ХҚК-ке бірінші рет шағымдануы емес. 2018 жылы Канада, Колумбия, Парагвай, Перу және Чили коалициясымен Аргентина 2017 жылғы наразылықтар кезінде жасалған қылмыстарды тергеуді талап етті, алайда 2021 жылы Аргентинаның бұрынғы президенті Альберто Фернандес шағымға қойған қолын қайтарып алды.
Мадуроның штаб-пәтері Венесуэладағы президенттік сайлауда жеңіске жеткенін хабарлады.
Мадуроның Вашингтонмен диалогты қайта бастауға шешім қабылдағаны бұған дейін жазылған болатын.