Абхазия Біріккен Ұлттар Ұйымына мүше болғалы жатыр. Бұл туралы республика Сыртқы істер министрлігінің басшысы Сергей Шамба мәлімдеді, деп жазады «Известия» газеті.
Оның айтуынша, Біріккен Ұлттар Ұйымына кіру — Абхазияның «түпкі мақсаты».
«Бұл – еліміздің халықаралық деңгейде кеңінен танылуына қол жеткізу үдерісінің түпкі мақсаты. Мұның бәрі логикалық тұрғыдан өзара байланысты. Әрине, бұл өте қиын процесс екенін жақсы түсінеміз», — деді министр.
Абхазия Сыртқы істер министрлігі Ресейдің елді қорғайтынын қайталады
Ол Абхазия алдында тұрған қос стандарт саясатын «ешкім жоққа шығармағанын» атап өтті.
Сондай-ақ дипломат таяу болашақта республиканы егеменді және тәуелсіз мемлекет ретінде танитын елдердің қатары арта түсетініне сенім білдірді.
Бұған дейін Абхазия Сыртқы істер министрінің орынбасары Одиссей Бигвава 2008 жылдың тамызында Ресейдің республиканың тәуелсіздігін мойындауын тарихи әділеттің жеңісі деп бағалаған.
Оның айтуынша, соңғы 16 жылда абхаз-ресей мемлекеттерінің қарым-қатынасы одақтық деңгейге жеткен.
Бұған дейін Медведев мырза Ресейдің Абхазия мен Оңтүстік Осетияны неліктен мойындағаны туралы айтқан болатын.