Ішкі істер министрлігінің мәліметінше, соңғы 2 жылда ұйымдасқан қылмыстық топтарды құруға, басқаруға және қатысуға қатысты 120-дан астам қылмыстық іс қозғалды, оның ішінде 13 трансұлттық қылмыстық топ. Қылмыстық әлемнің 600-ден астам өкілі жауапқа тартылды.
Жұмыс барысында ұйымдасқан қылмыстық топтың 27 мүшесі ұсталды, олардың арасында халықаралық іздеуде жүрген «қылмыстық билік» өкілдері де бар. Сондай-ақ Қазақстан аумағында көрші елдерден келген алты заң ұрысының болуының алдын алуға мүмкіндік туды.
Қуандық Алпыс, ҚР ІІМ Ұйымдасқан қылмысқа қарсы күрес департаментінің өкілі: «Бопсалау және басқа да ауыр қылмыстармен айналысқан 160 қылмыстық топтың заңсыз әрекеті жойылды. Барлығы бопсалау бойынша 1300-ден астам қылмыстық іс қозғалды».