Қазақстанның туризм индустриясында дағдарыс орын алуда. 6,5 мыңнан астам тәуелсіз туристік компания банкроттықтың алдында тұр және туристік компаниялардың 20 мыңға жуық маманы жұмыссыз қалуы мүмкін.
Туристік компания өкілдері мұның басты себебін жүйелік маңызды Kaspi Bank негізін қалаған туристік платформа Kaspi Travel-тің үстемдігі деп санайды.
Олардың айтуынша, банк тек бір туристік агенттік – Kaspi Travel үшін Kaspi.kz қосымшасы арқылы бөліп төлеу мүмкіндігімен турларды сатудың қолайлы шарттарын ұсынады, ал басқа сатушыларда мұндай мүмкіндік жоқ.
Туристік компания басшылары дабыл қағуда. Қазақстан Республикасының Президенті мен мемлекеттік органдарға 1000-нан астам хаттар жазылған.