Жыл басынан бері Қазақстанда алты жасөспірім есірткімен ұсталды. Олардың 16 жастағы екеуі Астанада аса ірі көлемде синтетикалық есірткі таратқаны үшін ұсталды. Сонымен қатар, Қарағанды облысында 9 және 10-сыныптың екі оқушысы да тыйым салынған заттарды тарататын телеграм-каналға сілтеме жариялағаны үшін ұсталды.
Есірткі қылмыстарымен күрес жөніндегі комиссия ата-аналарды балаларының өміріне көбірек араласуды сұрап, 16 жастан асқан жасөспірімдердің қылмыстық жауапкершілікке тартылатынын еске салады.
Қуандық Әлжанов, ІІМ Есірткі қылмысына қарсы күрес комитеті төрағасының орынбасары: «Біз сіздерді балаларыңызбен есірткіні тұтынудың зияны мен зиянды әсері, сондай-ақ олардың әрекеттерінің құқықтық салдары туралы үнемі әңгімелесуге шақырамыз. Балаңыздың өміріне мүмкіндігінше араласыңыз. Олар заңсыз әрекеттерге қатысы бар-жоғын айтудан қорықпауы керек. Сіз балаңыздың айналасын біліп, оның пайдаланатын интернет ресурстарын бақылауыңыз керек. Жасөспірімнің заттарындағы кез келген дәрі-дәрмектің, фольганың, шыны түтіктердің, тамшуырлардың қаптамасына назар аударуыңызды сұраймыз. Бұлардың барлығын синтетикалық препараттарды қолдану құралы ретінде пайдалануға болады».