Елорда прокуратурасы заңсыз берілген жер телімдерін анықтап, қайтарумен айналысады. Прокурорлар заң бұзушылықтарды, соның ішінде жер пайдалану мерзімін заңсыз ұзарту және жалған құжаттар негізінде жерді заңдастыру фактілерін құжаттандырды.
Ағымдағы жылдың басынан бері жүргізілген мониторинг бойынша кадастрлық құны 747 миллион теңгеден асатын 160 гектарға жуық жер телімі заңды экономикаға тартылып, мемлекет меншігіне қайтарылған.
«Болған заң бұзушылықтар бойынша 4 лауазымды тұлға тәртіптік жауапкершілікке тартылды. Бұл бағыттағы жұмыстар жалғасуда», — деп хабарлады Шымкент қалалық прокуратурасының баспасөз қызметі.