15 тамыз күні кешке Шымкенттегі Жәнібеков көшесінің бойында жан түршігерлік оқиға орын алып, бойжеткен көз жұмды, деп хабарлайды ОТЫРАР.
Бұған дейін оқиға орнындағы бейнежазбаны куәгерлер телеарнаның редакциясына жолдаған болатын. Видеода дәрігерлер диванда ес-түссіз жатқан жарақат алған қызды қарап жатыр.
Кейін куәгерлер жәбірленушінің шамамен 12-14 жастағы қыз екенін айтты. Ол кезде оның жағдайы туралы ақпарат болған жоқ.
Осы кезде полиция департаменті түсініктеме берді. Видеодағы қыз алған жарақатынан көз жұмды. Ол 2004 жылы дүниеге келген.
«Жол-көлік оқиғасы салдарынан 2004 жылы туған жаяу жүргінші алған ауыр жарақаттан сол жерде көз жұмды.
Аталған факті бойынша қылмыстық іс қозғалды.
Қазір тергеу амалдары жүріп жатыр». – деп хабарлады Шымкент қалалық ІІБ баспасөз қызметі.