Премьер-Министрдің орынбасары Серік Жұманғарин Түркияның Alarko Holding компаниясының вице-президенті Шахин Аббасомен келіссөз жүргізді.
ҚР Ауыл шаруашылығы министрлігі кездесу барысында қатысушылар құны 650 миллион доллар болатын қызанақ өсіру бойынша ауқымды инвестициялық жобаны жүзеге асыру барысы туралы талқылағанын хабарлады.
Шымкентте 2025 жылдың соңына дейін екі кезең бойынша жылыжай кешені мен бау-бақша өнімдерін өңдейтін зауыт салу жоспарлануда. Бірінші кезеңде – 45 гектар, екінші кезеңде – 130 гектар.
Толық қуаттылыққа шыққанда кешен жылына 51 мың тонна өнім шығара бастайды.
Тұтыну нарығы: ішкі және Ресей Федерациясына, Катар, БАӘ елдеріне экспортталады. Кәсіпорын 2 мыңға жуық жұмыс орнын ашады.
Сондай-ақ компания Шымкентте жылыжай құрылымдарын шығаратын зауыт ашып, құрылыс уақытын қысқартуды жоспарлап отыр.
Жоба аясында халықаралық стандарттарға сай ауыл шаруашылығы мамандарын даярлайтын мамандандырылған академия құрылады деп күтілуде.
Тараптар инвестициялық жобаны іске асыру бойынша Үкіметтің қолдау шараларын қарастыратын жобаны және инвестициялық келісімнің шарттарын талқылады.
Серік Жұманғарин инвесторларға жан-жақты қолдау көрсетілетінін айта келе, ауыл шаруашылығының басқа да басым салаларында, соның ішінде дәнді дақылдарды, қант қызылшасын терең өңдеу, тері тіршілігін тереңдету бойынша өндірістер құру мүмкіндігін қарастыруды ұсынды.