Ағымдағы жылы көлік инфрақұрылымын жақсарту аясында Шымкент теміржол вокзалына күрделі жөндеу жұмыстары жүргізілді. Қайта құрудың мақсаты – жолаушыларға қызмет көрсету сапасын арттыру және нысандарды заманауи стандарттарға сәйкестендіру.
Қайта құрудың арқасында вокзалдың өткізу қабілеті тәулігіне 2000 жолаушыдан 6000 жолаушыға дейін ұлғайтылды және ғимараттың жалпы ауданы 1770,2-ден 2250 шаршы метрге дейін кеңейтілді.
Қасбеті, есік-терезелері және тұрмыстық жабдықтары жаңартылды. Ерекше қажеттіліктері бар адамдарға ыңғайлы болу үшін пандустар, тактильді жүру жолдары және арнайы кассирлер жабдықталған. Сондай-ақ станцияда заманауи Wi-Fi аймағы, ақпараттық экрандар және багажды тексеруге арналған рентген аппараты бар.
Қазір Шымкент стансасынан күн сайын түрлі бағыттарға 20 жұп пойыз қатынайды.