Сауран аудандық білім бөлімінің басшысы нағыз түрмеге қамалды. Түркістан қалалық соты осы бөлімнің төрт қызметкеріне үкім шығарды. Айыпталушылар аудандағы мектептерге демеушілік етуге бөлінген ақшаны достарының есепшотына аударған, келтірілген шығын көлемі 29 миллион теңгені құраған. Олардың барлығы ҚР ҚК 189-бабының 4-бөлігі бойынша сотталған.
Түркістан қалалық сотының баспасөз қызметі: «Түркістан қалалық сотында ҚР ҚК 189-бабының 4-бөлігімен айыпталған 4 азаматқа қатысты қылмыстық іс қаралды. Тергеу барысында сотталушылар «ММ аудандық адами әлеуетті дамыту бөлімінде» қызмет атқара отырып, өз өкілеттіктерін асыра пайдаланғаны анықталды. Айыпталушының кінәсі куәлардың көрсетулерімен, сараптама нәтижелерімен, банктік аударымдармен және басқа да іс құжаттарымен расталды».
Прокурор сотталушыны белгілі бір лауазымдарды атқару құқығынан өмір бойына айыруды және 8 жылдан 10 жылға дейін бас бостандығынан айыруды сұрады. Сот бөлім басшысы мен бас маманды 7 жылға бас бостандығынан айырды.