Түркістан облысында иесі 16 миллион теңге қарыз болған көлік анықталды.
«Шымкент-Самара» республикалық тас жолында полицейлерге іздеуде жүрген «Хавал» көлігі туралы сигнал түсті. Көлік иесі банкке 16 миллион теңге қарыз. Белгілі болғандай, бұл кісінің өтелмеген қарызы бар екен. Соңғы тоғыз ай бойы қарызын өтей алмағандықтан, полицейлер сот орындаушысынан ұйғарым алған.
«Көлік Ордабасын ауданындағы уақытша ұстау алаңына қойылды. Біз аудан тұрғындарын қарыздарын тез арада өтеуге шақырамыз», — деп түсіндірді полицейлер.