Осы ретте Шымкент қаласындағы білім беру ұйымдарында қауіпсіздік техникасы бойынша дәріс оқылды. Балаларға жер сілкінісі, өрт және су кезіндегі қауіпсіздік ережелері түсіндірілді. Бейнеконференция арқылы дәріске 200-ге жуық ұйым қатысты.
Шымкенттік оқушыларға арналған сабақтар бүгінде ерекше формада өтуде. Балаларға пән мұғалімдерінің орнына Төтенше жағдайлар департаментінің қызметкерлері сабақ береді. Олар жер сілкінісі қауіпсіздігі туралы презентация жасады.
Нұржан Қаракөзев, Шымкент қалалық Төтенше жағдайлар департаменті азаматтық қорғаныс бөлімінің бастығы: «Бұл жаңа жоба, біз оқытудың жаңа түрін енгіздік. Бүгінгі таңда барлық білім беру ұйымдарында сабақ уақытында қауіпсіздік мәдениетін арттыруға бағытталған түрлі жағдайлар бойынша сабақтар өткізілуде. Бұл дегеніміз, әрбір мектепте сынып сағаттарында сынып жетекшілері оқушылармен қауіпсіздік сабағын өткізеді».
Балаларға өрт, су тасқыны, жер сілкінісі кезіндегі қауіпсіздік ережелері түсіндіріледі. Ашық онлайн форматта өткен сабақтарға мектеп, балабақша, колледждердің 200-ге жуық өкілдері қатысты.
Айкөркем Махмұд, 10-сынып оқушысы: «Төтенше жағдай қызметкерлері келіп, төтенше жағдайда не істеу керек, қандай ережелерді сақтау керек деген сияқты барлық қауіпсіздік шараларын көрсетіп, түсіндірді. Егер мұндай жағдай орын алса, біз дүрбелең емес, ережелерді сақтай отырып, қауіпсіз болуымыз керек ».
Айта кету керек, ағымдағы жылдың сәуір айынан бері барлық білім беру ұйымдарының 1200-ге жуық мұғалімі шұғыл оқудан өткен. Бұл шара Білім министрлігі мен Төтенше жағдайлар министрлігі арасындағы келісім негізінде ұйымдастырылып отыр.