Шымкенттік дзюдошы Талғат Орынбасар әлем чемпионатының қола жүлдегері атанды. Бүгін оны құрметпен қарсы алды. Бұл спортшы Тәжікстанда өткен турнирде 5 кездесу өткізіп, табандылығы мен шеберлігінің арқасында үшінші орынды жеңіп алды.
Әуежайда спортшы Талғат Орынбасарды достары мен жанкүйерлері қарсы алды. Шымкенттің ғана емес, бүкіл елдің намысын қорғады. Оның жетістігі – әлем чемпионатының қола жүлдесі барша спорт сүйер қауымды қуантты.
Талғат Орынбасар, дзюдодан әлем чемпионатының қола жүлдегері: «Жарыс Тәжікстанда жоғары деңгейде өтті. Бұл өте қиын. Мен бес кездесу өткіздім, өкінішке орай, тәжік балуанынан жеңіліп, қола жүлдеге ие болдым. Бұл жарыстар мен үшін өте маңызды және біз оларға бір жылдай дайындалдық».
Талғат Орынбасар Сербия, Қырғызстан, Тәжікстан, Италия және Әзірбайжанның қарсыластарымен 5 кездесу өткізіп, дзюдодан әлем чемпионатының қола жүлдегері атанды. 4 кездесуде ол 60 келі салмақ дәрежесінде сынға түскенде барлығында сенімді жеңіске жетті.
Құралбай Орынбасар, ҚР еңбек сіңірген жаттықтырушысы: «Талғат барлық кездесулерді өте сауатты өткізді. Финалда тәжік балуанынан жеңіліп қалдық, бірақ өткен жылы әлем чемпионатында күміс жүлде алған әзірбайжандық мықты спортшымен күресу қиынға соқты».
Душанбеде өтіп жатқан жарысқа 67 елден 531 спортшы қатысты. Қазақстан намысын 19 спортшы қорғаса, оның екеуі шымкенттік.
Маратбек Мықтыбеков, Шымкент қалалық дене шынықтыру және спорт басқармасының басшысы: «Шымкентте 2500-ден астам спортшы дзюдомен айналысады. Қалада палуандар мен дзюдошылар дайындалатын 10-ға жуық спорт мектебі бар. Бұл спорт түріне көп көңіл бөлінуде және нәтижесі де анық байқалуда».
Талғат Орынбасар мұнымен тоқтап қалмақ емес. Біраз демалғаннан кейін ересектер арасындағы Қазақстан чемпионатына қатысады.