7 сәуір – Дүниежүзілік денсаулық күніне орай Шымкент қалалық психикалық денсаулық орталығы спорттық жарыстар ұйымдастырды.
Бұл күні медицина қызметкерлері ақ халаттылардан спорттық формаға ауысып, салауатты өмір салтын насихаттай бастады. Таңертеңнен бастап дәрігерлер командаларға бөлініп, түрлі спорт түрлерінен жарысқа түсті.
Спартакиада – салауатты өмір салтын насихаттау. Жарыс бағдарламасына жеңіл атлетика, волейбол және шахмат жарыстары кіреді. Спорттық жарыстарға 150 дәрігер қатысты. Ұйымдастырушылардың айтуынша, мұндай бастамалар ұжымды біріктіріп қана қоймай, дәрігерлердің де өз денсаулығына қамқорлық жасауына септігін тигізеді.
Перизат Ермаханова, Шымкент қалалық психиатриялық орталығының салауатты өмір салтын қалыптастыру орталығының маманы: «Бүгінде бір мезгілде екі іс-шара өтуде: бірі Дүниежүзілік денсаулық күніне арналған және «Спорт есірткіге қарсы» іс-шарасы. Психикалық денсаулық орталығының қызметкерлері іс-шараларға белсене қатысуда. Салауатты өмір салтын насихаттау үшін сөзбен ғана емес, нақты істермен де үлгі етуге тырысамыз».