Оңтүстік мегаполисте қолайсыз ауа-райы болды. Бүгін, 11 ақпанда қалың жауған қар салдарынан қаланың кейбір аудандарында ағаштар құлай бастады. Салдарынан адамдардың көліктері мен мүлкіне зақым келген.
Осындай оқиғалардың бірі Желтоқсан көшесінде болған. Мұнда қардың салмағынан ағаш тоқтап тұрған көліктердің үстіне құлады. Кейбір көліктерге зақым келген. Олардың үшеуі қатты зардап шекті. Көлік иелері келтірілген шығынды есептеп, құзырлы органдарға хабарласуды жоспарлап отыр.
Оқиға орнында болған полицейлер бүлінген көлік иесінен түсініктеме алды. Кейінірек жәбірленушілердің бірі редакциямызға сақтандыру компаниясының оған ақша төлеуден бас тартқанын айтты.
Түсіру тобымыз оқиға орнында болған кезде аялдаманың жанына тағы бір ағаш құлаған. Қар жауғанда сақ болуды сұраймыз.