Бүгін, 9 қарашада Шымкенттің «Шымсити» тұрғын алабында жаппай электр қуаты үзілді. Себеп 110 000 В кабель желісінің үзілуіне байланысты.
Апат салдарынан 1658 абонент электр қуатынсыз қалды, оның 12 абоненті заңды тұлға. Қуатты жоғалту 3750 кВт/сағ дейін.
Оқиға үшінші тараптың рұқсатсыз қазу жұмыстары кезінде орын алған. Зақымдалған кабель «Бозарық» (220 кВ) қосалқы стансасы мен «Астана-1» қосалқы стансасын қосады. Бұл желі Шымкент қаласының Инфрақұрылым және энергетикалық даму министрлігінің балансында және «Оңтүстік Жарық транзит» ЖШС сенімді басқаруына берілген.
Оқиға орнына Шымкент қалалық тергеу басқармасының полиция қызметкерлері жұмылдырылды. Оқиға орны мен себебі анықталуда.
«Оңтүстік Жарық Транзит» ЖШС мамандары электр қуатын тез арада қалпына келтіру үшін жұмыс жасауда.