Ленинград облысында белгісіз жас жігіттер мектеп оқушыларын тонап, тапаншамен қорқытып, әдепсіз әрекеттерге барған. Бұл туралы 78.ru телеарнасы хабарлады.
Телеарнаның хабарлауынша, Янино-1 ауылында белгісіз біреулердің пневматикалық қарумен шабуыл жасағаны туралы бірнеше адам құқық қорғау органдарына хабарласқан. Жәбірленушілердің айтуынша, шабуылдаушылар ақша бопсалаған, сонымен қатар Рембрандт көшесіндегі үйлердің бірінің жанында және орман белдеуінде азғын әрекеттер жасаған. Қылмыскерлер 12 жастағы баланың үш мың рубль тұратын телефонын тартып алған.
Қылмыстық іс қозғалды. Қылмыс жасады деген күдікпен 18 жастағы университеттің 2 курс студенті ұсталды. Оның қаруы тәркіленіп, жас жігіт уақытша ұстау изоляторына жеткізілді. Құқық қорғау органдары оның сыбайластарын іздестіріп жатыр.