Александр Бортниковтың айтуынша, Махачкала мен Дербенттегі шіркеулер мен полицияға жасалған шабуылды салафизм ағымының жақтаушылары жасаған.
«Халықаралық лаңкестердің басты мақсаты — Ресейдегі жағдайды тұрақсыздандыру. Жақында салафиттердің Дағыстандағы ғибадат орындары мен полиция қызметкерлеріне жасаған шабуылдары соның айқын мысалы», — деді Бортников мырза терроризмге қарсы ұлттық комитеттің отырысында.
23 маусымда содырлар Дербенттегі синагога мен шіркеуге, сондай-ақ Махачкалада синагога жанындағы ғибадатхана мен жол полициясы бекетіне шабуыл жасаған. 22 адам, оның ішінде 15 полиция қызметкері мен Ұлттық ұланның бір қызметкері қаза тауып, 20 азамат жараланды. Бес жауынгер жойылды.