Түмен облысында лаңкестік әрекеттерді дайындады деген күдікпен ұсталған адамдар екі айға қамауға алынды. Бұл туралы Ресей Федералдық тергеу комитетінің аймаққа жауапты тергеу басқармасы Telegram-арнасында хабарлады.
Оларға Тобыл қаласы аумағында лаңкестік әрекеттер жасауға дайындалды деген айып тағылды. Тергеу комитетінің мәліметінше, олар ішкі істер органдарының әкімшілік нысандарына диверсия жасамақ болған.
«Қазіргі уақытта Ресей Тергеу комитеті тергеушісінің өтініші бойынша сот екі айыпталушыға да қамауға алу түріндегі бұлтартпау шарасын таңдады», — делінген хабарламада.
Тінту кезінде тергеушілер қолдан жасалған жарылғыш заттың бөлшектерін тауып, ұсталғандардың ұялы телефонынан оларды сынау барысы туралы нұсқаулық пен бейнежазбаны тапты.
Шілде айында Калининград облысында ФСБ қызметкерлері орталықтан басқарылатын қалалардың бірінің аумағында теракт дайындады деген күдікпен жергілікті тұрғынды ұстады.