Алдын ала мәлімет бойынша, Красноярск әуежайында адамдарға пышақпен шабуыл жасаған ер адам мас болған. Бұл туралы дереккөзге сілтеме жасап RT хабарлайды.
Басылымның мәліметінше, ер адам еш себепсіз адамдарға шабуыл жасаған. Қазіргі уақытта екі адам зардап шегіп, адам өлтіруге оқталу дерегі бойынша қылмыстық іс қозғалды.
Ресей әуежайындағы қанды қырғынды жасаған адамның кім екені белгілі болды
Бұған дейін шабуыл жасағанның Өзбекстаннан келген 40 жастағы турист екені хабарланған болатын. Тәртіп сақшылары жауап бергенде ол шабуылды қызғаныштан жасағанын алға тартты. Қазір ол медициналық тексеруге жіберілді. Ол әуежайға қарусыз келген. Одан кейін барлардың біріне кіре отырып, ол бар үстелінің үстіне шығып, пышақ пен коньяк бөтелкесін алып, жәбірленушіге шабуыл жасаған.