«Оскар» дауылы Кубаның шығысына соқты. Бұл туралы Майамидегі Ұлттық дауыл орталығының баспасөз қызметі хабарлады.
Метеорологтардың мәліметінше, бұл табиғи құбылыстың ошағы Гуантанамо провинциясына жеткен. Қазір оның максималды жел жылдамдығы шамамен сағатына 129 шақырымды құрайды. Дауылдың жылдамдығы 11,3 км/сағ және оңтүстік-батысқа қарай жылжиды.
Атлант мұхитында «Оскар» дауылы пайда болды
«Оскар» дауылы Кубаның шығысында және Багам аралдарының оңтүстік-шығысындағы аудандарда айтарлықтай жағалауды су тасқынына әкеледі деп күтілуде. Синоптиктердің болжауынша, жауын-шашын бұл аймақтарда 10 см, кей жерлерде 15 см-ге дейін жетуі мүмкін.
Бірнеше сағат бұрын Багам аралдарында «Оскар» дауылы соқты. Ол кезде оның жел жылдамдығы 130 км/сағ болатын.
9 қазанда АҚШ-тың Флорида штатында жылдамдығы 160 км/сағ-тан асатын Милтон дауылы соқты. Ол шамамен 125 үйді қиратып, электр қуатын жаппай үзіп, 2,6 миллионнан астам адамды жарықсыз қалдырды. Табиғи апатты күтумен 5 миллионнан астам адам қауіпсіз жерге көшуге мәжбүр болды. АҚШ президенті Джо Байден Милтонның шығыны 50 миллиард долларға бағаланғанын айтты.
Бұған дейін Сочиде «торнадо шеруі» тіркелген болатын.