Ресей Ішкі істер министрлігінің Краснодар өлкесі бойынша бас басқармасында полицияның Архангельская ауылындағы бейіттерді жаппай қорлау фактісі бойынша қылмыстық іс қозғағаны хабарланды.
Айта кетейік, вандалдар 53 бейіттегі құлпытастарды қиратты. Бұл факті бойынша Ресей Федерациясы Қылмыстық кодексінің 244-бабы – «Өлгендер мен олардың жерленген жерлеріне қол сұғу» бойынша қылмыстық іс қозғалды. Қазір полицейлер істің мән-жайын анықтап жатыр.
«Бүгін сағат 10-дар шамасында Ресейдің Тихорецкий ауданы бойынша ішкі істер қызметіне Архангельская ауылындағы зираттағы бейіттердің бүлінгені туралы хабарлама келіп түсті. Оқиға орнында жұмыс істеп жатқан тергеу тобы құлпытастардың бүлінуінің 53 фактісін тіркеді. <...> Полицейлер осы қылмысқа қатысы бар адамдарды анықтау үшін қажетті тергеу амалдарын жүргізіп жатыр», — делінген ведомство хабарламасында.