Түркияның Кемер қаласындағы «Империал» қонақүйінде болған өрттен үш Ресей азаматы зардап шекті. Бұл туралы дереккөзге сілтеме жасап «Известия» хабарлады.
Басылымның мәліметінше, қазір қонақүйден туристер, оның ішінде 100 Ресей азаматы эвакуацияланып жатыр.
Demiroren агенттігі қонақүйдегі өрттің сөндіріліп, 48 туристтің құтқарылғанын, 12 адамның ауруханаға жатқызылғанын хабарлады.
Бұл ретте Ресей туроператорлары қауымдастығы (ATOR) бұған дейін ресейлік туристер арасында зардап шеккендер жоқ, адамдарға басқа қонақүйден балама баспана берілгені туралы хабарлаған.
Өрт 18 қыркүйекте болған.
SHOT Telegram арнасы адамдардың 5-қабаттағы бөлмелерге қамалып, терезе арқылы көмек сұрағанын жазды. Өрт сөндірушілер қонақүйге кіру үшін қоршауды бұзып өтіп, өртті сөндіруге кірісті.