Дағыстанның Дербент қаласында Ресейдегі ең биік мешіт салынады – оның мұнараларының биіктігі 88 метр. Бұл туралы Дағыстан Республикасы Сергей Меликов өзінің Telegram-арнасында айтады.
«Кең ауқымды жоба – біртұтас саябақ алаңымен біріктірілген мешіттер, храмдар мен синагогалар кешені. Мұнаралардың биіктігі ғимаратқа елдегі ең биік мешіт мәртебесін береді», — делінген хабарламада.
Айта кету керек, кешеннің аумағы 35 гектар болса, оның 2,7 гектары мешітке бөлінеді. Сондай-ақ кешен аумағында мәжіліс залдары, мұражай және кітапхана болады.
Бұған дейін арнайы операцияға қатысушылардың құрметіне Екатеринбургте ислам орталығы салынатыны белгілі болған. «Екатеринбургте мұсылмандар саны көп және екі-үш мешіт қана бар», — деді Ресей мұсылмандары діни кеңесінің басшысы, мүфти Альбир Крганов іргетасын қалау рәсімінде.