Бүкіл әлемде психикалық денсаулық проблемалары эпидемиялық деңгейге жетті. Financial Times газеті осы тақырып бойынша көптеген зерттеулерге сүйене отырып, осындай қорытындыға келген. «Коммерсант» таратады.
Дүниежүзілік денсаулық сақтау ұйымы мен Халықаралық еңбек ұйымының бағалауы бойынша жыл сайын дүние жүзінде депрессия мен мазасыздықтың салдарынан 12 миллиард жұмыс күні жоғалады. Бұдан жаһандық экономикаға келтірілген залал триллион долларға жетеді.
Айта кету керек, COVID-19 пандемиясы адамдардың психикалық денсаулығына теріс әсер етті. 2020-2021 жылдары әлемде депрессияның 25%-ға көп жағдайы тіркелді және бұл көрсеткіш 2019 жылғы деңгейге қайта оралмады, әсіресе қаржы және сақтандыру саласында жұмыс істейтін адамдарда.
Осыған орай, бүкіл әлемдегі компаниялар өз қызметкерлерінің психикалық денсаулығына көбірек инвестиция салуға және олармен мәселе туралы ашық сөйлесуге шақырылды. Осы тақырыптағы зерттеулер көрсеткендей, бұл мәселе жасырын болмаса, қызметкерлер қолдауды сезінеді, өнімдірек болады және жұмыстан кетпейді.