Желтоқсанның 16-сы күні Қонаев даңғылында газ қондырғысы орнатылған Audi A6 автокөлігінің қозғалтқыш бөлігінде өрт болды.
Өрт сөндіру бөлімінің дер кезінде араласуы мен үйлестіруінің арқасында өрт 23 минуттан кейін толығымен сөндірілді.
Оқиға салдарынан қаза тапқандар мен зардап шеккендер жоқ. Өрттің шығу себебі анықталуда.
Өртті сөндіруге Шымкент қалалық Төтенше жағдайлар департаментінің 3 техникасы мен 10 қызметкері, сондай-ақ апаттық медицина орталығының 1 техникасы мен 3 қызметкері жұмылдырылды.
Шымкент қаласының Төтенше жағдайлар департаменті көліктерді пайдалану кезінде өрт қауіпсіздігі ережелерін сақтауға шақырады.