Түркістан облысы ІІД криминалдық полиция бөлімшесінің қызметкерлері жедел іздестіру шарасының арқасында 2014 жылдан бері іздеуде жүрген Түлкібас ауданының тұрғынын қолға түсіргенін Polisia.kz хабарлады.
Ер адамның атыс қаруын қолдана отырып, бұзақылық жасады деген күдікпен іздеуде жүргені анықталды. Содан кейін ол оқиға орнынан қашып кетіп, іздеу жарияланған.
Қазіргі уақытта күдікті ұсталып, уақытша ұстау изоляторына қамалды. Оқиғаның барлық мән-жайын анықтау үшін қажетті жедел-іздестіру шаралары жүргізілуде.