Сыбайлас жемқорлыққа қарсы іс-қимыл агенттігінің Шымкент қаласы бойынша департаменті туризм саласындағы сыбайлас жемқорлық тәуекелдеріне сыртқы талдау жүргізуді бастады.
«Антикор» баспасөз агенттігінің хабарлауынша, «Антикор» қызметкерлері Шымкент қаласының туризм, сыртқы байланыстар және шығармашылық индустрия бөлімдерінің, сондай-ақ Visit Shymkent туристік ақпараттық орталығының қызметін саралайтын болады.
Бюджетті жоспарлау және дамыту, туроператорларды лицензиялау, шығындарды өтеу және кәсіпкерлерді субсидиялау мәселелері қарастырылады.
Сараптамаға агенттік қызметкерлерінен бөлек, мемлекеттік органдардың сарапшылары мен азаматтық қоғам өкілдері де қатысты.
Сыбайлас жемқорлық тәуекелдері туралы ақпаратты және туризм секторын жақсарту бойынша ұсыныстарды kaldybaev.n@antikor.gov.kz немесе WhatsApp арқылы жіберуге болады. 8-771-518-6834.