Бұл туралы Қазақстан Республикасының Мемлекеттік кеңесшісі Ерлан Қарин Facebook парақшасында хабарлады.
«Парагвай астанасы Асунсьон қаласында ЮНЕСКО-ның Материалдық емес мәдени мұраны қорғау комитетінің отырысында Қазақстанның ежелгі салт-дәстүрлерінің бірі Беташар адамзаттың материалдық емес мәдени мұрасының репрезентативті тізіміне енгізілді», — деп жазады Ерлан Қарин.
Беташар – «бет ашу» деген мағынаны білдіретін той ырымдарының бірі.
Рәсім барысында қалыңдықты туыстары мен келген қонақтармен таныстырады. Қалыңдықтың бетін орамалмен немесе арнайы пердемен жасырады. Ритуалдың негізгі мәні — шарфты шешу. Рәсім үлкен отбасы мүшелерінің батасы мен дәстүрлі ән-күймен сүйемелденеді.