Шымкентте еңбек ұтқырлығы орталығының ұйымдастыруымен жұмыссыз азаматтарды кәсіптік оқытуға ынталандыру, оқу орталықтары мен жұмыс берушілер арасындағы өзара іс-қимылды арттыру мақсатында байқау өтті.
Бұл шара қысқа мерзімді курстарға қатысушылардың біліктілігін бағалауға және үздік сарапшыларды анықтауға бағытталған.
9 оқу орталығының өкілдері тігінші, аспаз, кондитер, шаштараз және тырнақ шебері мамандықтары бойынша бақ сынады.
Қатысушылар алжапқыш тігу, макарон жасау, вупи пирогын пісіру, шаш үлгісін жасау және тырнақ алу сияқты арнайы тапсырмаларды орындау арқылы өз шеберліктерін көрсетеді.
Бір ай ғана жаттығу жасаса да, сайыскерлер жоғары дайындықпен келгенін көрсетті.
Байқау сонымен қатар оқу орындары мен жұмыс берушілер арасында серіктестік орнату алаңына айналды.
Жеңімпаз және жетекші орталықтар танылды:
«Үздік тігінші» номинациясы – «Тұмар Текстиль» ЖШС.
«Шебер аспаз», «Инновациялық кондитер-аспаз», «Эксклюзивті шаштараз» және «Маникюр шебері» номинациялары – «RECOMP» ЖШС.
«Еңбек ұтқырлығы орталығы» директорының орынбасары Бекболат Әлиханов: «Бұл байқау студенттердің дарындылығын ашуға көмектесіп қана қоймай, оқу орталығы мен жұмыс берушілер арасындағы ынтымақтастықты нығайтуға ықпал етеді», — деп атап өтті.
Байқау жұмыссыздардың кәсіптік дағдыларын дамыту және олардың еңбек нарығындағы бәсекеге қабілеттілігін арттырудағы маңызды қадам болып табылады.