Анталиядағы Ресей бас консулдығы аймақтағы вирус инфекциясы жағдайы бақылауда екенін айтты. Бұл туралы РИА Новости дипломатиялық өкілдіктердің баспасөз қызметіне сілтеме жасап хабарлайды.
Бір күн бұрын БАҚ-та Белекте «өте күшті вирустың» шыққаны туралы ақпарат пайда болды. Журналистердің айтуынша, ауруханаға ондаған жергілікті тұрғын барған.
Дипломаттар жаппай індет болмағанын түсіндірді. Олар курорт басшылығы туристердің қауіпсіздігін қамтамасыз ету үшін барлық қажетті шараларды қолданып жатқанын қосты.
Дипломатиялық өкілдік: «Ресейдің Анталиядағы бас консулдығы бұл жағдайды бақылауды жалғастырады және қажет болған жағдайда консулдық жауап шараларын қабылдайды» деп уәде берді.