АҚШ-тағы Қытай елшілігінің ресми өкілі Лю Пэнгю РИА Новости агенттігіне берген сұхбатында Ресей мен Қытай арасындағы қарым-қатынас Вашингтонның қарама-қайшы мәлімдемелеріне қарамастан, бейбітшілік пен тұрақтылыққа ықпал ететінін айтты.
«Ресеймен қарым-қатынасымыздың тұрақты дамуы екі ел мен халықтардың іргелі мүдделеріне қызмет етіп қана қоймайды, сонымен қатар аймақтағы және әлемдегі бейбітшілік, тұрақтылық пен гүлденуге ықпал етеді», — деп атап өтті дипломат.
Бұған дейін Ресей қорғаныс министрі Андрей Белоусов Мәскеу мен Бейжіңнің әлемдегі жағдайға көзқарастары ортақ екенін айтқан болатын.
Сонымен қатар, Ресей премьер-министрі Михаил Мишустин Ресей мен Қытай экономикалық ынтымақтастықты нығайтып отырғанын атап өтті.