«Азаматтарға арналған үкімет» мемлекеттік корпорациясының Шымкент қаласы бойынша филиалы No1 халыққа қызмет көрсету орталығының жаңа мекенжайға көшкенін хабарлады. 14 қазаннан бастап қала тұрғындарына Бәйтереков көшесі, 89 мекенжайы бойынша қызмет көрсетіледі.
Естеріңізге сала кетейік, Шымкентте 12 халыққа қызмет көрсету орталығы болса, оның 4-і мамандандырылған. Сондай-ақ, көші-қонға қызмет көрсету орталығы және көп функциялы кәсіпкерлерге қызмет көрсету орталығы (МКСК) бар. Олардың барлығы Кайзен қағидаттары бойынша жұмыс істейді.