Шымкент қаласының Экология департаментіне WhatsApp желісі арқылы Еңбекші ауданы, Қапал батыр көшесінің бойында белгісіз қызыл түсті затпен ластанғаны туралы ақпарат келіп түсті, деп хабарлайды Шымкент қалалық экология департаменті.
Тексеру барысында судың шығу тегі белгісіз қызыл түсті затты шайып кеткені анықталды.
Ведомствоның сынақ зертханасының мамандары су сынамаларын алып, талдау нәтижелері бойынша ластаушы нормадан асатын заттарды анықтаған жоқ.
Сонымен қатар, аталған заң бұзушылыққа жол бергендерді анықтау үшін Еңбекші аудандық ішкі істер бөліміне хат жолданды.