Қазақстан халқы Ассамблеясы ғимаратында орналасқан №4 учаскеде нағыз мерекелік атмосфера орнаған.
Славян ұлттық мәдени бірлестігінің «Светоч» хоры, «Ынтымақ» ұлттық мәдени орталығының «Әжелер көркем» оркестрі, сондай-ақ «Замандаштар» татар орталығының өкілдері және т.б шығармашылық ұжымдар мерекелік концерт қойды. дауыс беруге келген әрбір адамның рухын көтерді.
Достық үйінің қоғамдық ұйымдарды ұйымдастыру бөлімінің меңгерушісі Әзиза Исаева: «Бүгін Қазақстан үшін маңызды оқиға – референдум өтіп жатыр, онда әрбір дауыс маңызды. Атом электр стансаларының құрылысы сынды маңызды мәселелерге қатысты пікір білдіретін күн тек саяси ғана емес, мәдени оқиға деп шештік. Осы мақсатта халық тек дауыс беріп қана қоймай, ұлттық мәдени бірлестіктеріміздің өнерін тамашалауы үшін шығармашылық топтар концерт ұйымдастырды. Біздің мақсатымыз – оңтүстік қаламыздың дәстүріне айналған бейбітшілік пен келісім атмосферасын қалыптастыру».