Астанада өтіп жатқан Дүниежүзілік көшпенділер ойындарында жамбы ату сайысы басталды, деп хабарлайды Ұлттық және ат спорты орталығының баспасөз қызметі.
«Жарыс 8 қыркүйекте «Қазанат» ат майданының жанындағы этноауылда өтеді», — деп хабарлады орталықтың баспасөз қызметі.
Бұған дейін жамбы ату турниріне қатысатын спортшылар жеребе тастап, ашық жаттығу өткізген.
Мәліметтерге сүйенсек, жамбы ату сайысы венгр стилінде өтіп, 27 елден 78 спортшы қатысады. Қазақстан құрамасының атынан Айтбек Сарыбай, Ералхан Айкөз, Батыр Бексауыт және Абзал Тулыбеков сынды спортшылар қатысты.
Жамбы ату – ат үстінде садақ атуды қамтитын дәстүрлі спорт түрі.