Қала билігі заң талаптарына сай келмейтін 500-ден астам билбордтарды бөлшектеген. Қазіргі уақытта LED экрандарда уақытша жарнамалық белгілер ғана қалды. Алдағы уақытта оларды заңдастыру жұмыстары жүргізілмек.
Нұрғали Бөрібеков, сыртқы жарнаманы лицензиялау және мекенжайды тіркеу бөлімінің басшысы: «613 билбордтың 550-і бөлшектелген, қазіргі уақытта тек 10 пайызы ғана заңды. Түсіндіру жұмыстарын жүргіздік; Белгілерді бұзып, алып кеткен кәсіпкерлер болды».
Қыркүйек айында 526 белгі орны аукционға шығарылады. Бір шаршы метрдің бастапқы құны 1005 теңге. Аукционға тек E-Qazyna платформасында тіркелген кәсіпкерлер ғана қатыса алады.
Нұрғали Бөрібеков, сыртқы жарнаманы лицензиялау және мекенжайды тіркеу бөлімінің басшысы: «Аукцион нормативтік-құқықтық актілерге сәйкес және қолданыстағы заңнамалық шеңберде өтеді».
Мамандардың айтуынша, бұл өзгерістер қаланың сәулеттік келбетін жақсартуға бағытталған. Алдағы уақытта 3D сенсорлық экрандар мен экологиялық таза билбордтарды орнату жоспарда бар. Жоба «Ақылды қала» бағдарламасы аясында жүзеге асырылуда.