Шымкенттегі жалпы аурухананың онкологиялық орталығында трахея обыры диагнозы қойылған 72 жастағы науқасқа кеуде қуысына трахеэктомия операциясы сәтті жасалды. Науқас трахеяның III дәрежелі стенозы және ауыр тыныс жетіспеушілігімен ауруханаға жатқызылды. Консультациядан кейін шұғыл хирургиялық араласу туралы шешім қабылданды.
Жаңа әдісті енгізу үшін аурухана мамандары шетелдік жетекші клиникаларда біліктілігін арттыру курстарынан өтті. Операция кезінде дәрігерлер кеуде қуысын ашып, трахеяның зақымдалған бөлігін алып тастап, жоғарғы тыныс жолдарын қалпына келтірді.
Онколог-хирургтер Самат Исмаилов пен Талат Ақпанбетов, кардиохирург Нұрғиса Пернебаев, анестезиологтар Данияр Жайын мен Бақтияр Әбетаевтың үйлестіруінің арқасында науқас сауығып, қазір үйінен шығарылды, деп хабарлады Шымкент әкімінің баспасөз қызметі.