Қазақстан мен Өзбекстан Сырдария өзеніндегі өлшеу стансаларын автоматтандыру бойынша техникалық тапсырманы бекітті. Бұған дейін өзен бассейніндегі 10 ауданда суды автоматты түрде өлшеу жүйесін орнату туралы шешім қабылданған, деп хабарлады Podrobno.uz.
Оның бесеуі Өзбекстанда, бесеуі Қазақстанда орналасқан.
ҚазАқпараттың хабарлауынша, қазір тараптар халықаралық қаржы институттарымен келіссөздер жүргізуде. Жобаның жалпы техникалық шарттарын әзірлеуді Германияның халықаралық ынтымақтастық қауымдастығы (GIZ) жүзеге асырды.
«Бұл тек алғашқы 10 бағыт. Алдағы уақытта барлық маңызды өлшеу стансаларын автоматтандырып, суды есептеуді толық бақылауды қамтамасыз етуді жоспарлап отырмыз. Біз бұл мәселені Қырғызстан мен Тәжікстандағы әріптестерімізбен белсенді түрде талқылап жатырмыз», — деді Қазақстанның Су ресурстары және ирригация министрінің орынбасары Нұрлан Алдамжаров.