АҚШ-тың болашақ президенті Дональд Трамп Ресей-Американдық кәсіпкерлер қорының бұрынғы атқарушы директоры Роман Пипкоға Эстониядағы АҚШ елшісі қызметін ұсынды. Бұл туралы Трамп Truth Social әлеуметтік желісінде хабарлады.
«Мен Роман Пипконың АҚШ-тың Эстония Республикасындағы келесі елшісі қызметіне ұсынылғанын хабарлауға қуаныштымын», — деді сайланған президент.
Трамп оның инаугурациясы жалаулар жартылай ілінген жағдайда өтуі мүмкін екенін айтты
Трамптың айтуынша, Эстонияда туған Пипко Еуропалық қайта құру және даму банкінде АҚШ мүддесін қорғайды, ол санкцияларды орындау және халықаралық шешімдерді қабылдау үшін шетелдік үкіметтермен жұмыс істеді.
Желтоқсан айында Трамптың 77 жастағы миллиардер инвестор Томас Барракты елдің Түркиядағы елшісі етіп ұсынғаны хабарланған болатын. Ол Трамптың 2016 жылғы президенттік науқанының аға кеңесшісі болды және оның инаугурациялық комитетінің төрағасы қызметін атқарды.
АҚШ-та президент сайлауы 5 қарашада өтеді. Бұл орынға Демократиялық кандидат Камала Харрис пен Республикалық партия өкілі Дональд Трамп таласады. Жеңіске жету үшін саясаткерлердің бірі кемінде 270 сайлаушы дауысын алуы керек. Дауыс беру нәтижесі бойынша Трамп 312, ал Харрис 226 дауыс жинады. АҚШ-тың 47-ші президентінің инаугурациясы 2025 жылдың 20 қаңтарында өтеді.
Бұған дейін Эстония Сыртқы істер министрлігі Дональд Трампты «заманымыздың Черчиллі» деп атаған.